މިކާއިނާތުފިޔަވައި އެހެން ކާއިނާތުތަކެއްވޭތަ؟
ދީނާއި ސައިންސަކީ އެކުއެކީގައި މަސައްކަތްކުރެވޭނެ ދެ އެއްޗެއް ކަމާ މެދު ޣައިރު މުސްލިމުންގެ ތެރެއިން ގިނަ ބަޔަކު ޝައްކުކުރެއެވެ. މިއާޚިލާފަށް މުސްލިމުން ޤަބޫލުކުރާ ގޮތުގައި އިސްލާމް ދީނަކީ ސައިންސާ އެކު މަސައްކަތްކުރެވޭނެ ދީނެކެވެ. އިސްލާމް ދީނަކީ މި ޒަމާނަށް ނުފެތޭ ދީނެއް ކަމަށް ބަޔަކު ދަޢުވާކުރަމުން ދާ ނަމަވެސް، މުސްލިމު ޢިލްމުވެރިން ވަނީ އިސްލާމް ދީނުގެ އެހީއާ އެކު ސައިންސުގެ ރޮނގުތަކުން ގިނަ ކުރިއެރުންތަކެއް ހޯދާފައެވެ. އެ ގޮތުން ފިޒިކްސްގެ ދާއިރާއިންނާއި ކެމިސްޓްރީގެ ދާއިރާއިންނާއި ޖޯގުރަފީގެ ދާއިރާއިން ވެސް މުސްލިމު ޢިލްމުވެރިން ވަނީ ގިނަ ކުރިއެރުންތަކެއް ހޯދާފައެވެ.
އެކްސްޕެރިމެންޓަލް ފިޒިކްސްއާއި މޮޑަރން ސައެންޓިފިކް މެތަޑްގެ ބައްޕަ ކަމުގައި ގިނަ ބަޔަކު ދެކޭ އިބްނު އަލް ހައިޡަމްއާއި އަލް ބައިރޫނީއާއި އިބްނު ސީނާ ފަދަ ޢިލްމުވެރިންނަކީ އެ ބޭފުޅުންގެ މަސައްކަތްތައް ޔޫރަޕުގެ ޔުނިވަރސިޓީތަކާއި ޢިލްމީ މަރުކަޒުތަކުގައި އެތައް ސަތޭކަ އަހަރެއް ވަންދެން އުނގަންނައިދެވުނު، އަދި އެ ބަޔަކާ މެދު މުސްލިމް އުންމަތް ފަޚުރުވެރިވާ، މަޝްހޫރު ޢިލްމުވެރީންނެވެ. މި ބޭފުޅުން ވަނީ މި ބޭފުޅުންގެ ފަންނުތަކުގައި އޭގެ ކުރިން އެއްވެސް ބަޔަކު ނުހޯދާހައި ބޮޑެތި ކާމިޔާބީތަކާއި ކުރިއެރުންތައް ހޯއްދަވާފައެވެ.
އިބްނު ސީނާ ފަދަ ޢިލްމުވެރިއެއް ކަމަށްވާ ފަޚްރުއްދީން-އައްރާޒީ އަކީ ތަފްސީރު ޢިލްމާއި ފަލްސަފާގެ ޢިލްމުގައި ފުންނާބު އުސް ޢިލްމުވެރިއެކެވެ. އައްރާޒީގެ ފާހަގަކޮށްލެވޭ އެއް މަސައްކަތަކީ އެއް ކާއިނާތަށް ވުރެ ގިނަ ކާއިނާތުތަކެއްވާ ކަމުގެ ތިއަރީއަށް (މަލްޓިވަރސް ތިއަރީއަށް) ތަފާތު ނަޒަރަކުން ބައްލަވައި، ކީރިތި ޤުރުއާނުގެ އަލީގައި މި ތިއަރީއަށް ބާރުދޭ ހެކި ހޯއްދެވުމެވެ. މަލްޓިވަރސް ތިއަރީއަކީ އެއާ މެދު ސައިންސްވެރިންގެ މެދުގައި އެތަކެއް ޚިޔާލު ތަފާތުވުންތަކެއް އުފެދިފައިވާ އެއްޗެކެވެ. ޚާއްޞަ ގޮތެއްގައި އަޅުގަނޑުމެން މި ދިރިއުޅޭ ދުނިޔެ ފިޔަވައި އެހެން ޕްލެނެޓެއްގައި ދިރުން ހުރެދާނެ ކަމަށް ކުރެވޭ ބަހުސާ ގުޅިގެން ވެސް، މަލްޓިވަރސް ތިއަރީއާ މެދު ވަނީ ޚިޔާލު ތަފާތުވެފައެވެ.
ބައެއް ސައެންސްވެރިންގެ ނަޒަރުގައި އެއް ކާއިނާތަށްވުރެ ގިނަ ކާއިނާތުތަކެއް ވުމަކީ، ވުމަށްވުރެ ނުވުން ގާތް ކަމެކެވެ. ނަމަވެސް މިފަހަކަށް އައިސް، މަލްޓިވަރސް ތިއަރީއަށް ލިބޭ ތަރުހީބު އަންނަނީ އިތުރުވަމުންނެވެ. އެ ގޮތުން، ދުނިޔޭގެ ފެންވަރުގައި ސައެންސްގެ ދާއިރާތަކުން އެންމެ ފާހަގަކޮށްލެވޭ ބޭފުޅުންގެ ތެރޭގައި ހިމެނޭ ސްޓީވަން ހޯކިންގްސްއާއި ސްޓީވަން ވެއިންބާގްއާއި ލައުރާ މަރސިނީ-ހޫޓަންއާއި ނީލް ޑަގްރާސް ޓައިސަން ފަދަ ބޭފުޅުން ވަނީ މި ތިއަރީއަށް ތާއީދުކުރައްވާފައެވެ. ހަމައެއާއެކު، ސައެންސް ފިކްޝަން ވާހަކަތަކުގެ ތެރޭގައި މަލްޓިވަރސް ތިއަރީ ބޭނުންކުރަމުން އައިސްފައިވާގޮތުން، މި ތިއަރީއަށް އިތުރު ސަމާލުކަމެއް ވަނީ ލިބިފައެވެ.
މި ތިއަރީއާ ގުޅޭ ގޮތުން 2002 ވަނަ އަހަރު ބީބީސީއިން ހުށަހެޅި ޑޮކިއުމެންޓަރީއެއްގައި ބައެއް ސައެންސްވެރިން ފާހަގަކޮށްފައިވާ ގޮތުގައި އަޅުގަނޑުމެން މި ދިރިއުޅޭ ކާއިނާތު ފިޔަވައި އެތައް މިލިއަން ކާއިނާތުތަކެއް ވެދާނެއެވެ. އަދި އެއިން ކޮންމެ ކާއިނާތެއްގައި ވެސް އެ ކާއިނާތަކަށް ޚާއްޞަ ފިޒިކްސްގެ ހަމަތަކެއް ވުން އެކަށީގެންވެއެވެ. އެ ބޭފުޅުން ސިފަކުރައްވާ ގޮތުގައި އަޅުގަނޑުމެން މި ދިރިއުޅޭ ކާއިނާތަކީ ސައިބޯނި ބޮކީގެ ކަނޑެއްގައި ދަތުރުކުރަމުންދާ އެއް ސައިބޯނި ބޮތްކެއް ފަދަ ތަނެކެވެ. މި ޑޮކިއުމެންޓަރީގައި އެހެން ބައެއް ސައެންސްވެރިން ފާހަގަކުރެއްވި ގޮތުގައި އަޅުގަނޑުމެން މި ދިރިއުޅޭ ކާއިނާތާ އެކުއެކީގައި މަސައްކަތްކުރާ ކާއިނާތުތަކެއް ޖައްވުގެ ދުރު ހިސާބެއްގައި ވެދާނެއެވެ. އަދި އެ ކާއިނާތުތަކާއި އަޅުގަނޑުމެން މި ދިރިއުޅޭ ކާއިނާތާ ހުރި ގާތްކަން ތަފާތު ގޮތްގޮތަށް އަޅުގަނޑުމެންނަށް އިހުސާސްކުރެވިދާނެއެވެ. ފާހަގަ ކޮށްލަންޖެހޭ ކަމަކީ މި ހުރިހައި ކަމަކީ ވެދާނެ ކަންކަމުގެ ގޮތުގައި، އިންސާނުން އުފައްދާފައިވާ ނަޒަރިއްޔާތުތަކެއް ކަމެވެ. އަދި ސައިންސް ޢިލްމުގެ އެހީގައި މި ކަންކަމަކީ ޙަޤީޤަތެއްކަމަށް ބާރުދޭ ސާފު ހެއްކެއް އަދި ފެނިފައިނުވާކަމެވެ.
މި ސައެންސްވެރިންނާ ޚިލާފަށް ފަޚްރުއްދީން-އައްރާޒީ މަލްޓިވަރސް ތިއަރީއަށް ދަލީލު ނަންގަވަނީ ކީރިތި ޤުރުއާނުގެ ސޫރަތުލް ފާތިޙާގެ ދެވަނަ އާޔަތުންނެވެ. ކީރިތި ޤުރުއާނުގައި މާތް ﷲ ވަޙީކުރައްވާފައިވާ އާޔަތުގެ މާނައިގައިވެއެވެ. "ޙަމްދު ހުރީ ޢާލަމުތަކުގެ ވެރި ﷲ އަށެވެ." މި އާޔަތުގައި "ޢާލަމްތަކުގެ" ނުވަތަ ޢާލަމުގެ ޖަމްޢު ގޮތުގައި އިޝާރާތްކުރައްވާފައި ވަނީ މި ކާއިނާތުގެ ތެރޭގައިވާ ތަފާތު ޢާލަމްތަކަކަށްތޯ ނުވަތަ މި ކާއިނާތުގެ އިތުރުންވާ އެހެނިހެން ކާއިނާތުތަކަކަށްތޯ، އައްރާޒީ ސުވާލުކުރައްވައެވެ. އަދި ޖަވާބުގައި ވިދާޅުވެފައިވެއެވެ.
"މި ދުނިޔެއަށް ވުރެ ދުރުގައި ވަކި ޙައްދެއްނެތް ހުސްކަމެއްވާ ކަމާއި، އެންމެހައި މަޚްލޫޤުންގެ މައްޗަށް ބާރު ފޯރުއްވާ ފަރާތަކީ މާތް ﷲ ކަމީ އެއްވެސް ޝައްކެއްނެތް ގޮތުގައި ސާފު ހެއްކާއި ދަލީލާ އެކު ޡާބިތުވާ ކަންކަމެވެ. އެހެންކަމުން، އެކަލާނގެ އިރާދަކުރައްވައިފިނަމަ، މި ކާއިނާތުގައި ލައްވާފައި މިވާ ފަދަ އިރާއި ހަނދާއި ދުނިޔެތައް ހިމެނޭ އެތައް ހާސް ކާއިނާތެއް ހެއްދެވުމުގެ ކުޅަދާނަކަން އެކަލާނގެއަށް ލިބިވޮޑިގެންވާކަމީ ޝައްކެއް އޮތް ކަމެއްނޫނެވެ. އަދި އެ ކާއިނާތުތަކަކީ މި ކާއިނާތަށް ވުރެ އެތައް ގުނައެއް ބޮޑު ކާއިނާތުތަކެއް ކަމުގައި ލެއްވުމަކީ ވެސް އެކަލާނގެއަށް ނުހަނު ފަސޭހަ ކަމެކެވެ. މި ކާއިނާތާއި، މި ދުނިޔެއަކީ މި ފަދަ ހަމައެކަނި ތަންތަން ކަމުގައި ބުނާ ފަލްސަފާވެރިންގެ ޒުވާބަކީ އެއްވެސް އޮށްޓަރެއްހުރި ވާހަކައެއްނޫނެވެ."
އިސްވެ ދެންނެވުނު އާޔަތުގެ އިތުރުން ވެސް ތަފާތު އާޔަތްތަކުގައި މާތް ﷲ ކާއިނާތުތަކުގެ ވާހަކަ އަންގަވާފައިވެއެވެ. އެ ގޮތުން ސޫރަތުލް ޤަޞަޞްގެ 30 ވަނަ އާޔަތުގައި ވަޙީކުރައްވާފައިވާ ބަސްފުޅުގެ މާނައިގައިވެއެވެ. "ފަހެ، އެކަލޭގެފާނު އެ އަލިފާންގަނޑުގެ ކައިރިޔަށް ވަޑައިގަތްހިނދު، ވާދީގެ ކަނާތްފަރާތުގައިވާ بركات ތެރި ތަނަކުން ގަހެއްގެ ތެރެއިން އެކަލޭގެފާނަށް ނިދާއިއްވެވިއެވެ. އޭ موسى ގެފާނެވެ! ހަމަކަށަވަރުން، ތިމަންރަސްކަލާނގެއީ، عالم ތަކުގެ ވެރި الله އެވެ." ހަމައެފަދައިން ސޫރަތުލް އަޢުރާފުގެ 54 ވަނަ އާޔަތުގައި މާތް ﷲ ވަޙީކުރައްވާފައިވާ ބަސްފުޅުގެ މާނައިގައިވެއެވެ. "ހަމަކަށަވަރުން، ތިޔަބައިމީހުންގެ ވެރިރަސްކަލާނގެއީ، ހަ ދުވަހުގެ ތެރޭގައި، އުޑުތަކާއި ބިން ހެއްދެވި الله އެވެ. އެއަށްފަހު، އެކަލާނގެ عرش ގެ މައްޗަށް استواء ވެ ވޮޑިގެންވިއެވެ. އަދި އެކަލާނގެ ރޭގަނޑުން ދުވާލު ފޮރުއްވާލައްވައެވެ. (އެއިން ކޮންމެ އެއްޗެއް) އަވަސްކަމާއެކު (އަނެކައްޗެއް) ހޯދައިގަނެއެވެ. އަދި އިރާއި، ހަނދާއި، ތަރިތައް، އެކަލާނގެ أمر ފުޅަށް ކިޔަމަން ކުރައްވާފައިވާ ގޮތުގައި ހެއްދެވިއެވެ. ދަންނާށެވެ! ހެއްދެވުމާއި أمر ކުރެއްވުންވަނީ، އެކަލާނގެއަށް خاص ވެގެންނެވެ. عالم ތަކުގެ ވެރި الله މަތިވެރިވެ ވޮޑިގެންފިއެވެ." މި ދެ އާޔަތުގައި ވެސް "ޢާލަމްތަކުގެ" މި ފަދައިން އައިސްފައިވުމުން ދޭހަކޮށްދެނީ، އެއް ކާއިނާތަށްވުރެ ގިނަ ކާއިނާތުތަކެއް ވާކަން ކަމަށް ޢިލްމުވެރިން ދެކިލައްވައެވެ.
މި މައުޟޫއަށް ވާހަކަދައްކަވަމުން ޕްރޮފެސަރ ފަހީމް އަޝްރަފް ވިދާޅުވަނީ:
"ސައެންސްގެ ފަހުގެ ހޯދުންތަކުން އެނގޭ ގޮތުގައި މި ކާއިނާތުގެ އިތުރުން އެހެން ކާއިނާތުތަކެއް ވުމަކީ ވެދާނެ ކަމެކެވެ. އަދި އެ ކާއިނާތުތަކުގައި ކޮންމެ ކާއިނާތަކަށް ވެސް ޚާއްޞަ މާއްދީ ހަމަތަކަކާއި ގަވާއިދުތަކެއް ވުމީ އެކަށީގެންވާ ކަމެކެވެ. މިކަމުގެ ހެއްކަކީ ކީރިތި ޤުރުއާނުގެ މި އާޔަތެވެ.
اللَّهُ الَّذِي خَلَقَ سَبْعَ سَمَاوَاتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوا أَنَّ اللَّهَ عَلَىٰ كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا
މާނައީ: "ﷲއީ، ހަތް އުޑު ހެއްދެވި ރަސްކަލާނގެއެވެ. އަދި ބިމުން ވެސް އެފަދަމެއެވެ. (އެބަހީ: އެކަލާނގެ ހަތް ބިން ހެއްދެވިއެވެ.) އެ ތަންތާނގައި އެކަލާނގެ އަމުރުފުޅު ހިނގަހިނގާ ހުރެތެވެ. ހަމަކަށަވަރުން ﷲއީ، ކޮންމެ ކަމެއްގެ މައްޗަށް ކުޅަދުންވަންތަ ރަސްކަލާނގެ ކަމާއި، ހަމަކަށަވަރުން، ﷲގެ ޢިލްމުފުޅު، ހުރިހާ އެއްޗެއްގެ ވަށައިގެންވާ ކަން ތިޔަބައިމީހުންނަށް އެނގުމަށްޓަކައެވެ." (ސޫރަތުއް ޠަލާޤް 12)
މި އާޔަތުގައި "سَمَاوَاتٍ" (އުޑު) ގެ ގޮތުގައި ބަޔާންކޮށްފައިވަނީ ކާއިނާތުގެ މާނައިގައިނަމަ، އެއިން ދޭހަވާ ކަމަކީ 7 ކާއިނާތު ވާ ކަމާއި އެ ތަންތަނުގައި އެ ތަނަކަށް ޚާއްޞަ މާއްދީ ގަވާއިދުތަކެއް ވާ ކަމެވެ.
މި އާޔަތުން އެނގޭ ކަމަކީ މާތް ﷲ މި ކާއިނާތު ފިޔަވައި އެހެން ކާއިނާތުތަކެއް ހައްދަވާފައިވާ ކަމާއި އެ ތަންތަނުގެ މައްޗަށް އެކަލާނގެ އަމުރުފުޅު ހިނގަމުންދާ ކަމެވެ. މި އާޔަތުގައި ހިނގަހިނގާ ހުންނަ ކަމެއްގެ އުޞޫލުން އައިސްފައިވުމުން ދޭހަވަނީ އެ ކާއިނާތުތަކަކީ ކުރީގެ ތިއަރީތަކާ ޚިލާފަށް މިހާރު ވެސް އުފެދިފައިވާ ތަންތަން ކަމެވެ."
ބައެއް ޢިލްމުވެރިން ދެކިވަޑައިގަންނަވާ ގޮތުގައި، ޢާލަމުތަކާ ގުޅޭ ގޮތުން ކީރިތި ޤުރުއާނާއި ސުންނަތުގައި އައިސްފައިވާ ދަލީލުތަކުގައި އިޝާރާތްކުރެވެނީ ޣައިބުގައިވާ ތަފާތު ޢާލަމްތައް ހިމެނޭ ގޮތުންނެވެ. އެޢިލްމުވެރިން ދެކިވަޑައިގަންނަވާ ގޮތުގައި މަލްޓިވަރސް ތިއަރީގައި މި ބުނާ ތަފާތު ކާއިނާތުތަކަކީ ޣައިބުގައިވާ ޢާލަމްތަކެވެ. އޭގެ ތެރޭގައި ޖިންނީންގެ ޢާލަމާއި މަލަކޫތީ ޢާލަމް ހިމެނޭ ގޮތުގައެވެ. އެހެންކަމުން، އެ ޢިލްމުވެރިން ދެކިވަޑައިގަންނަވާ ގޮތުގައި މަލްޓިވަރސް ތިއަރީގެ ސަބަބުން މާތް ﷲގެ ކުޅަދުންވަންތަކަމުގެ އިތުރު ހެކިތައް ހާމަވެގެންދެއެވެ.
އަދުގެ ސައިންސްގެ އެހީގައި، އަޅުގަނޑުމެން ދިރިއުޅެމުން މިދާ ކާއިނާތު ފިޔަވައި އިތުރު އެއްވެސް ކާއިނާތެއް ނުވަތަ ކާއިނާތުތަކެއް އަދި ހޯދިފައެއްނުވެއެވެ. ހަމައެއާއެކު، އެ ފަދަ ކާއިނާތަކާއި އަޅުގަނޑުމެން މި ދިރިއުޅޭ ކާއިނާތާ ދެމެދު ބޮޑެތި ތަފާތުތަކެއް ހުންނަ ކަމަކަށް ސާބިތު ހިފޭވަރުގެ ހެއްކެއް ފެންނާކަށް ވެސް ނެތެވެ. ނަމަވެސް، ކީރިތި ޤުރުއާނާއި ސައިންސްގެ ހޯދުންތަކުން އެނގެނީ އިތުރު ކާއިނާތުތަކެއް މާތް ﷲ އުފައްދަވާފައި ވުމަކީ އެކަށީގެންވާ ކަމެއް ކަމެވެ. އަދި އެ ކާއިނާތުތަކުގައި އެ ތަންތަނަށް ޚާއްޞަ ސިފަތަކެއް ލައްވާފައިވެދާނެ ކަމެވެ. މާތް ﷲއީ އެންމެހައި ކަމަކަށް ކުޅަދުންވަންތަ، ޢާލަމްތަކުގެ ވެރި، އިލާހެވެ. އެކަލާނގެ އިރާދަކުރައްވައިފި ކޮންމެ ކަމެއް ވެދެއެވެ. އެހެންކަމުން، އެއް ކާއިނާތަށް ވުރެ ގިނަ ކާއިނާތުތަކެއް ލައްވާފައިވުމަކީ ނުވާނެ ކަމެކޭ ނުބުނެވޭނެ ނޫންތޯއެވެ؟ وَاَللهُ أَعْلَم.
އެކްސްޕެރިމެންޓަލް ފިޒިކްސްއާއި މޮޑަރން ސައެންޓިފިކް މެތަޑްގެ ބައްޕަ ކަމުގައި ގިނަ ބަޔަކު ދެކޭ އިބްނު އަލް ހައިޡަމްއާއި އަލް ބައިރޫނީއާއި އިބްނު ސީނާ ފަދަ ޢިލްމުވެރިންނަކީ އެ ބޭފުޅުންގެ މަސައްކަތްތައް ޔޫރަޕުގެ ޔުނިވަރސިޓީތަކާއި ޢިލްމީ މަރުކަޒުތަކުގައި އެތައް ސަތޭކަ އަހަރެއް ވަންދެން އުނގަންނައިދެވުނު، އަދި އެ ބަޔަކާ މެދު މުސްލިމް އުންމަތް ފަޚުރުވެރިވާ، މަޝްހޫރު ޢިލްމުވެރީންނެވެ. މި ބޭފުޅުން ވަނީ މި ބޭފުޅުންގެ ފަންނުތަކުގައި އޭގެ ކުރިން އެއްވެސް ބަޔަކު ނުހޯދާހައި ބޮޑެތި ކާމިޔާބީތަކާއި ކުރިއެރުންތައް ހޯއްދަވާފައެވެ.
އިބްނު ސީނާ ފަދަ ޢިލްމުވެރިއެއް ކަމަށްވާ ފަޚްރުއްދީން-އައްރާޒީ އަކީ ތަފްސީރު ޢިލްމާއި ފަލްސަފާގެ ޢިލްމުގައި ފުންނާބު އުސް ޢިލްމުވެރިއެކެވެ. އައްރާޒީގެ ފާހަގަކޮށްލެވޭ އެއް މަސައްކަތަކީ އެއް ކާއިނާތަށް ވުރެ ގިނަ ކާއިނާތުތަކެއްވާ ކަމުގެ ތިއަރީއަށް (މަލްޓިވަރސް ތިއަރީއަށް) ތަފާތު ނަޒަރަކުން ބައްލަވައި، ކީރިތި ޤުރުއާނުގެ އަލީގައި މި ތިއަރީއަށް ބާރުދޭ ހެކި ހޯއްދެވުމެވެ. މަލްޓިވަރސް ތިއަރީއަކީ އެއާ މެދު ސައިންސްވެރިންގެ މެދުގައި އެތަކެއް ޚިޔާލު ތަފާތުވުންތަކެއް އުފެދިފައިވާ އެއްޗެކެވެ. ޚާއްޞަ ގޮތެއްގައި އަޅުގަނޑުމެން މި ދިރިއުޅޭ ދުނިޔެ ފިޔަވައި އެހެން ޕްލެނެޓެއްގައި ދިރުން ހުރެދާނެ ކަމަށް ކުރެވޭ ބަހުސާ ގުޅިގެން ވެސް، މަލްޓިވަރސް ތިއަރީއާ މެދު ވަނީ ޚިޔާލު ތަފާތުވެފައެވެ.
ބައެއް ސައެންސްވެރިންގެ ނަޒަރުގައި އެއް ކާއިނާތަށްވުރެ ގިނަ ކާއިނާތުތަކެއް ވުމަކީ، ވުމަށްވުރެ ނުވުން ގާތް ކަމެކެވެ. ނަމަވެސް މިފަހަކަށް އައިސް، މަލްޓިވަރސް ތިއަރީއަށް ލިބޭ ތަރުހީބު އަންނަނީ އިތުރުވަމުންނެވެ. އެ ގޮތުން، ދުނިޔޭގެ ފެންވަރުގައި ސައެންސްގެ ދާއިރާތަކުން އެންމެ ފާހަގަކޮށްލެވޭ ބޭފުޅުންގެ ތެރޭގައި ހިމެނޭ ސްޓީވަން ހޯކިންގްސްއާއި ސްޓީވަން ވެއިންބާގްއާއި ލައުރާ މަރސިނީ-ހޫޓަންއާއި ނީލް ޑަގްރާސް ޓައިސަން ފަދަ ބޭފުޅުން ވަނީ މި ތިއަރީއަށް ތާއީދުކުރައްވާފައެވެ. ހަމައެއާއެކު، ސައެންސް ފިކްޝަން ވާހަކަތަކުގެ ތެރޭގައި މަލްޓިވަރސް ތިއަރީ ބޭނުންކުރަމުން އައިސްފައިވާގޮތުން، މި ތިއަރީއަށް އިތުރު ސަމާލުކަމެއް ވަނީ ލިބިފައެވެ.
މި ތިއަރީއާ ގުޅޭ ގޮތުން 2002 ވަނަ އަހަރު ބީބީސީއިން ހުށަހެޅި ޑޮކިއުމެންޓަރީއެއްގައި ބައެއް ސައެންސްވެރިން ފާހަގަކޮށްފައިވާ ގޮތުގައި އަޅުގަނޑުމެން މި ދިރިއުޅޭ ކާއިނާތު ފިޔަވައި އެތައް މިލިއަން ކާއިނާތުތަކެއް ވެދާނެއެވެ. އަދި އެއިން ކޮންމެ ކާއިނާތެއްގައި ވެސް އެ ކާއިނާތަކަށް ޚާއްޞަ ފިޒިކްސްގެ ހަމަތަކެއް ވުން އެކަށީގެންވެއެވެ. އެ ބޭފުޅުން ސިފަކުރައްވާ ގޮތުގައި އަޅުގަނޑުމެން މި ދިރިއުޅޭ ކާއިނާތަކީ ސައިބޯނި ބޮކީގެ ކަނޑެއްގައި ދަތުރުކުރަމުންދާ އެއް ސައިބޯނި ބޮތްކެއް ފަދަ ތަނެކެވެ. މި ޑޮކިއުމެންޓަރީގައި އެހެން ބައެއް ސައެންސްވެރިން ފާހަގަކުރެއްވި ގޮތުގައި އަޅުގަނޑުމެން މި ދިރިއުޅޭ ކާއިނާތާ އެކުއެކީގައި މަސައްކަތްކުރާ ކާއިނާތުތަކެއް ޖައްވުގެ ދުރު ހިސާބެއްގައި ވެދާނެއެވެ. އަދި އެ ކާއިނާތުތަކާއި އަޅުގަނޑުމެން މި ދިރިއުޅޭ ކާއިނާތާ ހުރި ގާތްކަން ތަފާތު ގޮތްގޮތަށް އަޅުގަނޑުމެންނަށް އިހުސާސްކުރެވިދާނެއެވެ. ފާހަގަ ކޮށްލަންޖެހޭ ކަމަކީ މި ހުރިހައި ކަމަކީ ވެދާނެ ކަންކަމުގެ ގޮތުގައި، އިންސާނުން އުފައްދާފައިވާ ނަޒަރިއްޔާތުތަކެއް ކަމެވެ. އަދި ސައިންސް ޢިލްމުގެ އެހީގައި މި ކަންކަމަކީ ޙަޤީޤަތެއްކަމަށް ބާރުދޭ ސާފު ހެއްކެއް އަދި ފެނިފައިނުވާކަމެވެ.
މި ސައެންސްވެރިންނާ ޚިލާފަށް ފަޚްރުއްދީން-އައްރާޒީ މަލްޓިވަރސް ތިއަރީއަށް ދަލީލު ނަންގަވަނީ ކީރިތި ޤުރުއާނުގެ ސޫރަތުލް ފާތިޙާގެ ދެވަނަ އާޔަތުންނެވެ. ކީރިތި ޤުރުއާނުގައި މާތް ﷲ ވަޙީކުރައްވާފައިވާ އާޔަތުގެ މާނައިގައިވެއެވެ. "ޙަމްދު ހުރީ ޢާލަމުތަކުގެ ވެރި ﷲ އަށެވެ." މި އާޔަތުގައި "ޢާލަމްތަކުގެ" ނުވަތަ ޢާލަމުގެ ޖަމްޢު ގޮތުގައި އިޝާރާތްކުރައްވާފައި ވަނީ މި ކާއިނާތުގެ ތެރޭގައިވާ ތަފާތު ޢާލަމްތަކަކަށްތޯ ނުވަތަ މި ކާއިނާތުގެ އިތުރުންވާ އެހެނިހެން ކާއިނާތުތަކަކަށްތޯ، އައްރާޒީ ސުވާލުކުރައްވައެވެ. އަދި ޖަވާބުގައި ވިދާޅުވެފައިވެއެވެ.
"މި ދުނިޔެއަށް ވުރެ ދުރުގައި ވަކި ޙައްދެއްނެތް ހުސްކަމެއްވާ ކަމާއި، އެންމެހައި މަޚްލޫޤުންގެ މައްޗަށް ބާރު ފޯރުއްވާ ފަރާތަކީ މާތް ﷲ ކަމީ އެއްވެސް ޝައްކެއްނެތް ގޮތުގައި ސާފު ހެއްކާއި ދަލީލާ އެކު ޡާބިތުވާ ކަންކަމެވެ. އެހެންކަމުން، އެކަލާނގެ އިރާދަކުރައްވައިފިނަމަ، މި ކާއިނާތުގައި ލައްވާފައި މިވާ ފަދަ އިރާއި ހަނދާއި ދުނިޔެތައް ހިމެނޭ އެތައް ހާސް ކާއިނާތެއް ހެއްދެވުމުގެ ކުޅަދާނަކަން އެކަލާނގެއަށް ލިބިވޮޑިގެންވާކަމީ ޝައްކެއް އޮތް ކަމެއްނޫނެވެ. އަދި އެ ކާއިނާތުތަކަކީ މި ކާއިނާތަށް ވުރެ އެތައް ގުނައެއް ބޮޑު ކާއިނާތުތަކެއް ކަމުގައި ލެއްވުމަކީ ވެސް އެކަލާނގެއަށް ނުހަނު ފަސޭހަ ކަމެކެވެ. މި ކާއިނާތާއި، މި ދުނިޔެއަކީ މި ފަދަ ހަމައެކަނި ތަންތަން ކަމުގައި ބުނާ ފަލްސަފާވެރިންގެ ޒުވާބަކީ އެއްވެސް އޮށްޓަރެއްހުރި ވާހަކައެއްނޫނެވެ."
އިސްވެ ދެންނެވުނު އާޔަތުގެ އިތުރުން ވެސް ތަފާތު އާޔަތްތަކުގައި މާތް ﷲ ކާއިނާތުތަކުގެ ވާހަކަ އަންގަވާފައިވެއެވެ. އެ ގޮތުން ސޫރަތުލް ޤަޞަޞްގެ 30 ވަނަ އާޔަތުގައި ވަޙީކުރައްވާފައިވާ ބަސްފުޅުގެ މާނައިގައިވެއެވެ. "ފަހެ، އެކަލޭގެފާނު އެ އަލިފާންގަނޑުގެ ކައިރިޔަށް ވަޑައިގަތްހިނދު، ވާދީގެ ކަނާތްފަރާތުގައިވާ بركات ތެރި ތަނަކުން ގަހެއްގެ ތެރެއިން އެކަލޭގެފާނަށް ނިދާއިއްވެވިއެވެ. އޭ موسى ގެފާނެވެ! ހަމަކަށަވަރުން، ތިމަންރަސްކަލާނގެއީ، عالم ތަކުގެ ވެރި الله އެވެ." ހަމައެފަދައިން ސޫރަތުލް އަޢުރާފުގެ 54 ވަނަ އާޔަތުގައި މާތް ﷲ ވަޙީކުރައްވާފައިވާ ބަސްފުޅުގެ މާނައިގައިވެއެވެ. "ހަމަކަށަވަރުން، ތިޔަބައިމީހުންގެ ވެރިރަސްކަލާނގެއީ، ހަ ދުވަހުގެ ތެރޭގައި، އުޑުތަކާއި ބިން ހެއްދެވި الله އެވެ. އެއަށްފަހު، އެކަލާނގެ عرش ގެ މައްޗަށް استواء ވެ ވޮޑިގެންވިއެވެ. އަދި އެކަލާނގެ ރޭގަނޑުން ދުވާލު ފޮރުއްވާލައްވައެވެ. (އެއިން ކޮންމެ އެއްޗެއް) އަވަސްކަމާއެކު (އަނެކައްޗެއް) ހޯދައިގަނެއެވެ. އަދި އިރާއި، ހަނދާއި، ތަރިތައް، އެކަލާނގެ أمر ފުޅަށް ކިޔަމަން ކުރައްވާފައިވާ ގޮތުގައި ހެއްދެވިއެވެ. ދަންނާށެވެ! ހެއްދެވުމާއި أمر ކުރެއްވުންވަނީ، އެކަލާނގެއަށް خاص ވެގެންނެވެ. عالم ތަކުގެ ވެރި الله މަތިވެރިވެ ވޮޑިގެންފިއެވެ." މި ދެ އާޔަތުގައި ވެސް "ޢާލަމްތަކުގެ" މި ފަދައިން އައިސްފައިވުމުން ދޭހަކޮށްދެނީ، އެއް ކާއިނާތަށްވުރެ ގިނަ ކާއިނާތުތަކެއް ވާކަން ކަމަށް ޢިލްމުވެރިން ދެކިލައްވައެވެ.
މި މައުޟޫއަށް ވާހަކަދައްކަވަމުން ޕްރޮފެސަރ ފަހީމް އަޝްރަފް ވިދާޅުވަނީ:
"ސައެންސްގެ ފަހުގެ ހޯދުންތަކުން އެނގޭ ގޮތުގައި މި ކާއިނާތުގެ އިތުރުން އެހެން ކާއިނާތުތަކެއް ވުމަކީ ވެދާނެ ކަމެކެވެ. އަދި އެ ކާއިނާތުތަކުގައި ކޮންމެ ކާއިނާތަކަށް ވެސް ޚާއްޞަ މާއްދީ ހަމަތަކަކާއި ގަވާއިދުތަކެއް ވުމީ އެކަށީގެންވާ ކަމެކެވެ. މިކަމުގެ ހެއްކަކީ ކީރިތި ޤުރުއާނުގެ މި އާޔަތެވެ.
اللَّهُ الَّذِي خَلَقَ سَبْعَ سَمَاوَاتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوا أَنَّ اللَّهَ عَلَىٰ كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا
މާނައީ: "ﷲއީ، ހަތް އުޑު ހެއްދެވި ރަސްކަލާނގެއެވެ. އަދި ބިމުން ވެސް އެފަދަމެއެވެ. (އެބަހީ: އެކަލާނގެ ހަތް ބިން ހެއްދެވިއެވެ.) އެ ތަންތާނގައި އެކަލާނގެ އަމުރުފުޅު ހިނގަހިނގާ ހުރެތެވެ. ހަމަކަށަވަރުން ﷲއީ، ކޮންމެ ކަމެއްގެ މައްޗަށް ކުޅަދުންވަންތަ ރަސްކަލާނގެ ކަމާއި، ހަމަކަށަވަރުން، ﷲގެ ޢިލްމުފުޅު، ހުރިހާ އެއްޗެއްގެ ވަށައިގެންވާ ކަން ތިޔަބައިމީހުންނަށް އެނގުމަށްޓަކައެވެ." (ސޫރަތުއް ޠަލާޤް 12)
މި އާޔަތުގައި "سَمَاوَاتٍ" (އުޑު) ގެ ގޮތުގައި ބަޔާންކޮށްފައިވަނީ ކާއިނާތުގެ މާނައިގައިނަމަ، އެއިން ދޭހަވާ ކަމަކީ 7 ކާއިނާތު ވާ ކަމާއި އެ ތަންތަނުގައި އެ ތަނަކަށް ޚާއްޞަ މާއްދީ ގަވާއިދުތަކެއް ވާ ކަމެވެ.
މި އާޔަތުން އެނގޭ ކަމަކީ މާތް ﷲ މި ކާއިނާތު ފިޔަވައި އެހެން ކާއިނާތުތަކެއް ހައްދަވާފައިވާ ކަމާއި އެ ތަންތަނުގެ މައްޗަށް އެކަލާނގެ އަމުރުފުޅު ހިނގަމުންދާ ކަމެވެ. މި އާޔަތުގައި ހިނގަހިނގާ ހުންނަ ކަމެއްގެ އުޞޫލުން އައިސްފައިވުމުން ދޭހަވަނީ އެ ކާއިނާތުތަކަކީ ކުރީގެ ތިއަރީތަކާ ޚިލާފަށް މިހާރު ވެސް އުފެދިފައިވާ ތަންތަން ކަމެވެ."
ބައެއް ޢިލްމުވެރިން ދެކިވަޑައިގަންނަވާ ގޮތުގައި، ޢާލަމުތަކާ ގުޅޭ ގޮތުން ކީރިތި ޤުރުއާނާއި ސުންނަތުގައި އައިސްފައިވާ ދަލީލުތަކުގައި އިޝާރާތްކުރެވެނީ ޣައިބުގައިވާ ތަފާތު ޢާލަމްތައް ހިމެނޭ ގޮތުންނެވެ. އެޢިލްމުވެރިން ދެކިވަޑައިގަންނަވާ ގޮތުގައި މަލްޓިވަރސް ތިއަރީގައި މި ބުނާ ތަފާތު ކާއިނާތުތަކަކީ ޣައިބުގައިވާ ޢާލަމްތަކެވެ. އޭގެ ތެރޭގައި ޖިންނީންގެ ޢާލަމާއި މަލަކޫތީ ޢާލަމް ހިމެނޭ ގޮތުގައެވެ. އެހެންކަމުން، އެ ޢިލްމުވެރިން ދެކިވަޑައިގަންނަވާ ގޮތުގައި މަލްޓިވަރސް ތިއަރީގެ ސަބަބުން މާތް ﷲގެ ކުޅަދުންވަންތަކަމުގެ އިތުރު ހެކިތައް ހާމަވެގެންދެއެވެ.
އަދުގެ ސައިންސްގެ އެހީގައި، އަޅުގަނޑުމެން ދިރިއުޅެމުން މިދާ ކާއިނާތު ފިޔަވައި އިތުރު އެއްވެސް ކާއިނާތެއް ނުވަތަ ކާއިނާތުތަކެއް އަދި ހޯދިފައެއްނުވެއެވެ. ހަމައެއާއެކު، އެ ފަދަ ކާއިނާތަކާއި އަޅުގަނޑުމެން މި ދިރިއުޅޭ ކާއިނާތާ ދެމެދު ބޮޑެތި ތަފާތުތަކެއް ހުންނަ ކަމަކަށް ސާބިތު ހިފޭވަރުގެ ހެއްކެއް ފެންނާކަށް ވެސް ނެތެވެ. ނަމަވެސް، ކީރިތި ޤުރުއާނާއި ސައިންސްގެ ހޯދުންތަކުން އެނގެނީ އިތުރު ކާއިނާތުތަކެއް މާތް ﷲ އުފައްދަވާފައި ވުމަކީ އެކަށީގެންވާ ކަމެއް ކަމެވެ. އަދި އެ ކާއިނާތުތަކުގައި އެ ތަންތަނަށް ޚާއްޞަ ސިފަތަކެއް ލައްވާފައިވެދާނެ ކަމެވެ. މާތް ﷲއީ އެންމެހައި ކަމަކަށް ކުޅަދުންވަންތަ، ޢާލަމްތަކުގެ ވެރި، އިލާހެވެ. އެކަލާނގެ އިރާދަކުރައްވައިފި ކޮންމެ ކަމެއް ވެދެއެވެ. އެހެންކަމުން، އެއް ކާއިނާތަށް ވުރެ ގިނަ ކާއިނާތުތަކެއް ލައްވާފައިވުމަކީ ނުވާނެ ކަމެކޭ ނުބުނެވޭނެ ނޫންތޯއެވެ؟ وَاَللهُ أَعْلَم.
